عن نفسي استعمل للفاروا علاج اسمه المافريك وله كذا طريقة استخدام منها التخفيف بالماء بنسب معينة لا أذكرها والله لأني تركت تربية النحل من حوالي خمس سنوات وتتم عملية الرش علي النحل بين البراويز وتكرر العملية دي أربع مرات . مرة كل أربع أيام وفي طريقة تانية تجيب كيس أشبه بكيس الفشار بس أصغر منه عرض الكيس تقريباً ثلاث سنتيمتر وطوله حوالي خمس عشر سنتميترات وتحط في الكيس ده حجم نصف سنتميتر من دواء المافريك بدون تخفيف مياه وتفرده في الكيس بمسطره او اي حاجة مستوية وتقفل الكيس كويس لأن المافريك مادة طيارة وبعدين تجيب خشبة في نهايتها مسمار او اتنين ويكون اخر المسمار ظاهر وتضرب علي الكيس علشان تعمل فيه فتحات تتلطع ريحة الدوا وبعد ما تعمل أخرام كتيرة في الكيس تعلقه وسط البراويز بدبوس وان شاء الله تشوف نتيجة كويسة وانا باعتبرها طريقة أكثر امانا من اي طريقة تانية لان مفيهاش رش مباشر للنحل ولا للعسل بس ملحوظة اعمل الموضوع ده وانت في المنحل علشان المافريك مادة طيارة ممكن جزء كبير منه يفضي من الكيس علي ما توصل للمنحل
ده والله اعلم وارجو من الاخوة التعليق ولو في طريقة احسن ياريت يقولوا عليها للإفادة وجزاكم الله خيرا