الحب بهدلة وقندلة
السلام عليكم ورحمة الله وبركاته
فحصت المنحل امس وتركت احدي الخلايا لاخر الفحص حيث انها قوي خلية عندي الان عشر براويز والحمد لله ولكن اشرس خلية علي الاطلاق
لم تقرصني نحلة واحدة بعد ان فحصت جميع الخلايا
وعندما وصلت الي هذه الخلية واخذت منها ثلاثة براويز حضنة لاقوي غيرها بهم
لا تري عينك الا النور تجمع النحل حولي وهاتك ياتقريص
اللي في ايدي واللي في رجلي واللي دخل تحت البنطلون واللي دخل في ظهري مع العلم اني كنت البس بنطالين سميكين واتنين جاكيت ترنج وفوقهم وش بقميص
وبرضو اتقرصت من فوق الهدوم وفي وداني وراسي
ما يضحك في الامر اني لم اتخلص من النحل الا لما خلعت ملابسي في الحمام ووقفت تحت الدش مياه باردة متلجةوبرضو لسة النحل كان بيقرص فية
اتقرصت يمكن 40 قرصة
هههههههههه بس برضو بحب النحل
من الحب ما قتل
طبعا كل سنة كدا الواحد بيلاقي ملكة شرسة وبيتخلص منها
عموما الملكة دي لسة تربية شهر اغسطس اللي فات ومش ناوي اتخلص منها قبل موسم الموالح ان شاء الله نظرا لحضنتها الوفيرة وجمعها المميز من العسل
ياريت لو حد بيحصل مواقف معاه يحكي لنا
ودمتم علي خير
لكم مني كل الحب والتقدير
|